काठमाडौं । हालै सम्पन्न क्यारिना बचत तथा ऋण सहकारी सस्था लि.पुल्चोक ललितपुरको १७औं बार्षिक साधारणसभाले सस्थाको संचालक समितिको अध्यक्षमा पुनः चेतराज बिष्टलाई निर्वाचित गरेको छ ।
धोबिघाट, ललितपुरमा सम्पन्न सो साधारणसभाले उपाध्यक्षमा कृष्णराज गौतम, सचिवमा अरुणकुमार भण्डारी, कोषाध्यक्षमा यादवप्रसाद शर्मालाई निर्वाचित गरेको छ भने संचालक सदस्यहरुमा रमेश कुवर, गिता गौतम, किशोर जि.सी., हरिराज रजौरे कृष्ण शर्मा तथा शरदकुमार सुन्दर निर्वाचित भएका छन् ।
साधारणसभाले अध्यक्षद्वारा प्रस्तुत सस्थाको आ.व. २०८१/०८२ को बार्षिक प्रतिबेदन गरेको छ । लेखा समितिको प्रतिबेदन, लेखापरीक्षकको प्रतिबेदन, आगामी आ.व.को सस्थाको नीति तथा कार्यक्रम साधारणसभामा पारित भएको छ भने आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्ध, निर्वाचन सम्बन्धलगायतका प्रस्तावहरुसमेत पारित भएका छन् ।
साधारणसभामा प्रस्तुत वासलात हिसाबमा जनाइए अनुसार चालु आ.व.मा सस्थाको शेयर पूँजी ५ करोड ४२ लाख १२ हजार २०० रुपैयाँको भएको छ । निक्षेप दायित्वतर्फ ५१ करोड ९१ लाख २१ हजार ८१८ रुपैयाँ भइ कर्जा लगानी ५४ करोड ८६ लाख ५३ हजार ५१४ रुपैयाँ हुन गएको छ ।
यसैगरी विविध गरी चालु आ.व.मा सस्थाको कूल कारोबार ६८ करोड २६ लाख ३५ हजार ८१२ रुपैयाँ कायम भएको छ । साथै नयाँ नेतृत्वले सपथ ग्रहण गरी विविध कार्यक्रमको साथमा साधारणसभा सम्पन्न भएको थियो ।
