काठमाडौं । फियन बचत तथा ऋण सहकारी सस्था लि. बबरमहल, काठमाडौंको १५औं बार्षिक साधारणसभा सम्पन्न भएको छ ।
नयाँ बानेश्वर, काठमाडौंमा सस्थाका अध्यक्ष बासुदेव खत्रीको सभापतित्वमा मङ्गलबार सम्पन्न सो साधारणसभाले अध्यक्ष खत्रीद्वारा प्रस्तुत सस्थाको आ.व. २०८१/०८२ को बार्षिक प्रतिबेदन पारित गरेको छ ।
चालु आ.व.को लेखासुपरीबेक्षण समितिको प्रतिबेदन, कोषाध्यक्षको प्रतिबेदन, आर्थिक प्रतिबेदनलगायतका प्रस्तावहरु साधारणसभामा पारित भएका छन् ।
साधारणसभामा प्रस्तुत वासलात हिसाब अनुसार चालु आ.व.मा मंसिर मसान्तसम्म सस्थाको शेयर पूँजी ९५ लाख ३६ हजार ६०० रुपैयाँको भएको छ भने लेखासुपरीबेक्षण समितिको प्रतिबेदन अनुसार निक्षेप रकम ४ करोड ८० लाख ४९ हजार ९०४ रुपैयाँ भइ कर्जा लगानी ४ करोड ६६ लाख ४८ हजार २५६ रुपैयाँइ हुन गएको छ । बैंक मौज्दात १ करोड ४४ लाख ८७ हजार ७१ रुपैयाँ कायम भएको छ ।
यसैगरी विविध कारोबार गरी चालु आ.व.मा सस्थाको पूँजी तथा दायित्व ६ करोड २४ लाख ७० हजार ९७५ रुपैयाँको भएको छ । साधारणसभामा सहकारीकर्मी, अभियन्ता, समाजसेवी, सस्थामा आवद्ध कारोबारीलगायतको उपस्थिति रहेको थियो । साथै साधारणसभामा विभिन्न महानुभवहरुलाई सम्मानसमेत गरिएको थियो । सभा हलको प्राङ्गणमा खाद्य पदार्थ फलफूल तथा सागपातका स्टलहरुसमेत प्रदर्शनीमा राखिएका थिए भने विविध कार्यक्रमको साथमा साधारणसभा सम्पन्न भएको थियो ।
