काठमाडौं । आर्जन बचत तथा ऋण सहकारी सस्था लि. ललितपुर, कुमारीपाटी को १६औं बार्षिक साधारणसभा शनिबार सम्पन्न भएको छ ।
ललितपुर, सानेपामा सम्पन्न सो साधारणसभामा सस्थाको संचालक समितिद्वारा प्रस्तुत आ.व. २०८१/०८२ को बार्षिक प्रतिबेदन पारित भएको छ ।
साधारणसभाले लेखापरीक्षकको प्रतिबेदनसहित असार मसान्तसम्मको वासलात, नाफा/नोक्सान हिसाब, नगद प्रवाह विवरण पारित गरेको छ भने नगद लाभांश वितरण सम्बन्ध, आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्धलगायतका प्रस्तावहरु साधारणसभामा पारित भएका छन् ।
साधारणसभामा प्रस्तुत चालु आ.व.को वासलात हिसाबमा जनाइए अनुसार सस्थाको शेयर पूँजी ४ करोड ५ लाख ७२ हजार ९०० रुपैयाँको भएको छ भने बचत तथा निक्षेप २७ करोड ८७ लाख ६ हजार ४३४ रुपैयाँ हुन गइ लगानी २९ करोड २० लाख ४५ हजार २२३ रुपैयाँको भएको छ । १ करोड ४ लाख ४ हजार ८०९ रुपैयाँ जगेडा कोष रहन गएको सो सहकारीले चालु आ.व.मा ३७ करोड १५ लाख ७९ हजार १९६ रुपैयाँको कुल कारोबार गरेको छ ।
सस्थाका उपाध्यक्ष समीर महर्जनको सभापतित्व तथा सहकारी बिज्ञ चन्द्रलाल डङ्गोलको प्रमुख आतिथ्यमा सम्पन्न साधारणसभामा सहकारीकर्मी, अभियन्ता, सस्थामा आवद्ध कारोबारीको उपस्थिति रहेको थियो भने विविध कार्यक्रमको साथ साधारणसभा सम्पन्न भएको थियो ।
