काठमाडाैं । कोरोना महामारी बढेपछि नेपाल आयुर्वेद चिकित्सक संघको दशौँ महाधिवेशन स्थगन भएको छ । संघको महाधिवेशन यही माघ २१ र २२ गते आयोजना गरिएको थियो ।
कोरोना नियन्त्रण गर्न सरकारले भीडभाड गर्न रोक लगाएका कारण अर्को सूचना प्रकाशित नभएसम्म संघको महाधिवेशन स्थगन गरिएको अध्यक्ष डा प्रकाश ज्ञवालीले जानकारी दिए । कोरोना संक्रमण मत्थर भएपछि पुनः महाधिवेशन गरिने संघले जनाएको छ ।
संघको महाधिवेशनको तयारी अन्तिम चरणमा पुगेको थियो । महाधिवेशन स्थगन भएसँगै संघले सदस्यता नवीकरण र नयाँ सदस्यता वितरण जारी रहेकाले नवीकरण र सदस्यता लिन सम्पूर्ण आयुर्वेद चिकित्सकसँग आग्रहसमेत गरेको छ ।
