रौतहट । लोकतान्त्रिक समाजवादी पार्टीका केन्द्रीय सदस्य एवं रौतहट जिल्ला अध्यक्ष लिलाप्रसाद साह तेलीसहित ६५ जना कार्यकर्ता माओवादी केन्द्रमा प्रवेश गरेका छन् ।
रौतहटको माधव नाराण नगरपालिका-६ माधोपुरमा आयोजित कार्यक्रममा उनीहरु प्रवेश गरेका हुन् ।
जनतासँग माओवादी, तराई-मधेस जागरण अभियानको क्रममा अध्यक्ष पुष्पकमल दाहाल 'प्रचण्ड'ले पार्टी प्रवेश गराएको हो ।
नवप्रवेशी तेली माधव नारायन नगरपालिकामा स्थापित नेता हुन । गत स्थानीय तह निर्वाचनमा उनी यो नगरपालिकाको मेयरमा तीन हजार तीन सय ३२ मतसहित दोस्रो भएका थिए ।
नवप्रवेशी तेलीले कांग्रेस एमाले पहिचान बिरोधी भएको र मधेसवादी दलहरु अवसरवादमा फसेर फुट र विभाजनमा लागेकाले मधेसको अधिकार रक्षा माओवादीबाट हुने देखेर आफूहरु पार्टी प्रवेश गरेको जानकारी दिए ।
