काठमाडाैं । सनराइज बैंक लिमिटेडले थप तीन शाखारहित बैंकिङ सेवा विस्तार गरेको छ । बैंकले उदयपुरको चौदण्डीगढी नगरपालिका–१० हडिया, सुनसरीको दुहबी नगरपालिका–८ जुटमिल चोक र कैलालीको भजनी नगरपालिका–४ खैलाडमा बैंकिङ सेवा सुरु गरेको हो । शाखारहित बैंकिङ सेवा संचालनमा आएसँगै बैंकको शाखारहित बैंकिङ संख्या ८३ पुगेको छ ।
सनराइज बैंकले बैंकिङ पहुँच नपुगेका देशका विभिन्न स्थानमा अत्याधुनिक बैंकिङ सुविधा पुर्याउने उद्देश्यले शाखारहित बैंकिङ सेवा विस्तार गर्दै आएको छ । बैंकले सेवा सञ्चालनका लागि जुटमिल चोकका अमन कुमार शाह, खैलाडका स्थानीय व्यवसायी जितेन्द्र चौधरी र हडियाका तारानाथ पौडेललाई व्यावसायिक प्रतिनिधिका रूपमा नियुक्त गरेको छ ।
शाखारहित बैंकिङबाट निक्षेप संकलन, रकम भुक्तानी, रकम स्थानान्तरण, बिल भुक्तानीलगायत बैंकले प्रदान गर्ने अन्य सेवा समेत उपलब्ध गराइनेछ । बैंकले हाल १३९ वटा शाखा, १२ वटा एक्सटेन्सन काउण्टर, १६१ वटा एटीएम र ८३ वटा शाखारहित बैंकिङ सेवामार्फत सेवा प्रदान गर्दै आइरहेको छ ।
