काठमाडौं । श्रम रोजगार तथा सामाजिक सुरक्षामन्त्री कृष्णकुमार श्रेष्ठले वैदेशिक रोजगारीमा जाने नेपालीलाई कोरानाविरुद्धको खोप उपलब्ध गराउन आइओएमलाई आग्रह गरेका छन् ।
अन्तर्राष्ट्रिय आप्रवासी सङ्गठन (आइओएम) का नेपाल प्रमुख लोरेना ल्यान्डोले आज मन्त्रालयमा गरेको भेटमा मन्त्री श्रेष्ठले उक्त आग्रह गरेका हुन् । उनले कोभिड–१९ महामारी कारण अन्तर्राष्ट्रिय श्रम बजारमा नेपाली श्रमिकले भोगेका बहुआयामिक समस्याको सम्बोधनका लागि आइओएम नेपालले पुर्याएको योगदानप्रति आभार व्यक्त गरे ।
वैदेशिक रोजगारीमा गई नेपाल फर्केका नागरिकहरुले आर्जन गरेका सीप र पूँजीको परिचालनका लागि मन्त्रायलले गरेका प्रयासमा आइओएमले सहयोग गरेको चर्चा गर्दै मन्त्री श्रेष्ठले मन्त्रालय र आइओएम नेपालबीच आगामी पाँच वर्षे संयुक्त रणनीतिपत्रको मस्यौदा गर्न विज्ञ समिति गठनको प्रस्ताव गरे ।
