काठमाडाैं । जनता समाजवादी पार्टीकाे हुम्ला जिल्ला समिति नेकपा (माओवादी केन्द्र)मा समाहित भएकाे छ । हुम्लाबाट जसपाकाे केन्द्रीय समितिमा प्रतिनिधित्व गर्ने ४ केन्द्रीय सदस्यसहित सिङ्गो जिल्ला कार्य समिति माओवादी केन्द्रमा समायोजन भएको हाे ।
जनता समाजवादी पार्टीका केन्द्रीय सदस्य वीरजङ शाहीले आफूसहित केन्द्रीय सदस्य कालीबहादुर विक, सङ्घीय परिषद् सदस्य जसबहादुर भण्डारी, ८१ सदस्यीय जिल्ला कार्यसमिति माओवादी केन्द्रमा समायोजन भएको बताए ।
पार्टी समायोजन कार्यक्रममा कर्णाली प्रदेशका पूर्वमुख्यमन्त्री एवं केन्द्रीय सदस्य महेन्द्रबहादुर शाही, माओवादी केन्द्र कर्णाली प्रदेश समितिका अध्यक्ष विमला केसी, हुम्ला जिल्लाका सांसद छक्कबहादुर लामाको उपस्थिति रहेको थियो ।
जसपाकाे सबै गाउँपालिकाका समितिसहित सबै पार्टी संरचनाका सदस्य गरी एक हजार बढी कार्यकर्ता माओवादीमा समायाेजन भएकाे कर्णालीकाे पूर्वमुख्यमन्त्री शाहीले जानकारी दिए ।
