काठमाडाैं । सरकारले ज्येष्ठ नागरिकलाई लक्षित गर्दै छुट्टै अस्पताल बनाउने भएकाे छ । शुक्रबार बसेकाे मन्त्रिपरिषद् बैठकले ज्येष्ठ नागरिकलाई सर्वसुलभ रूपमा स्वास्थ्य सेवा दिने उद्देश्यले डेडिकेटेड अस्पताल बनाउने निर्णय गरेकाे स्वास्थ्य तथा जनसंख्यामन्त्री विराेध खतिवडाले जानकारी दिए ।
अस्पताल निर्माणका लागि स्वास्थ्य मन्त्रालयले एक कार्यदलमार्फत काम अघि बढाइसकेको छ । सरकारले यसअघि सरकारी सेवाका शिक्षकलाई लक्षित गर्दै चितवनमा शिक्षक अस्पताल निर्माण गर्ने निर्णय गरिसकेकाे छ । यस्तै गत महिना श्रमिक अस्पताल बनाउन सैदान्तिक सहमति प्रदान गरेकाे छ । नेपालमा नेपाली सेना, नेपाल प्रहरी, सशस्त्र प्रहरी बल र निजामती कर्मचारीका लागि छुट्टाछुट्टै अस्पताल सञ्चालनमा आएका छन् ।
