काठमाडाैं । प्रधानन्यायाधीश चाेलेन्द्र शम्शेर राणाविरूद्ध संसद् सचिवालयमा दर्ता भएकाे महाअभियाेग प्रस्तावका बारेमा निर्णय लिन प्रमुख प्रतिपक्षी नेकपा (एमाले)काे संसदीय दलकाे बैठक बस्दै छ । एमालेले संघीय संसद् भवन, नयाँ बानेश्वरमा रहेकाे ल्हाेत्से हलमा बिहान ११ बजेका लागि बैठक बाेलाएकाे छ ।
आइतबार बसेकाे एमाले सचिवालय बैठकले महाअभियाेग प्रस्तावकाे प्रतिवाद गर्ने निर्णय गरेकाे थियाे । सत्ता गठबन्धनका सांसदले प्रधानन्यायाधीशविरूद्ध महाअभियाेग प्रस्ताव दर्ता गराएपछि आक्राेशित बनेकाे एमालेले सर्वाेच्च अदालतका अन्य चार न्यायाधीश र सभामुख विरूद्ध पनि महाअभियाेग प्रस्ताव दर्ता गर्न सक्ने आँकलन गरिएकाे छ ।
यसैबीच सभामुख अग्निप्रसाद सापकाेटाले बाेलाएकाे सर्वदलीय बैठकमा एमाले नजाने भएकाे छ । एमालेले पार्टी विभाजन गर्न सभामुखले भूमिका खेलेकाे भन्दै यसअघि पनि सभामुखले बाेलाएकाे सर्वदलीय बैठक बहिस्कार गर्दै आएकाे छ ।
