काठमाडाैं । संसद्काे अवराेध, संसद् सचिवालयमा दर्ता भएकाे प्रधानन्यायाधीशविरूद्धकाे महाअभियाेग प्रस्तावलगायत विषयमा छलफल गर्न सभामुख अग्निप्रसाद सापकाेटाले सर्वदलीय बैठक आह्वान गरेका छन् । उनले दिउँसाे २ बजे बैठक बाेलाएका हुन् ।
उनले बैठकमा संसद्काे अवराेध खुलाउने, एमसिसी सम्झाैतालाई सदनमा कसरी लैजाने र महाअभियाेग प्रस्ताव कसरी अगाडि बढाउने भन्ने विषयमा परामर्श गर्नेछन् ।
प्रधानन्यायाधीश जबराविरुद्ध सत्तारूढ दलका सांसदहरुले आइतबार बिहान १०ः१५ बजे सिंहदरबारस्थित संसद् सचिवालयमा महाभियोगको प्रस्ताव दर्ता गराएका थिए । प्रस्तावमा प्रधानन्यायाधीश राणालाई कार्यक्षमता नभएको अभियोग लगाइएको छ ।
सोमबार बोलाइएको प्रतिनिधिसभाको बैठक भने यही फागुन ४ गते बुधबारका लागि सारिएको छ । ४ गतेकाे बैठकमा एमसिसी सम्झाैता पेश गर्ने तयारी छ ।
