काठमाडाैं । ऊर्जा, जलस्राेत तथा सिँचाइमन्त्री पम्फा भुसालले २१ औं शताब्दी सूचना प्रविधिकाे युग भएकाले सही विचार निर्माण गर्न सञ्चार माध्यमकाे महत्वपूर्ण भूमिका हुने बताएकी छिन् ।
हेराल्ड कम्युनिकेशनले सञ्चालनमा ल्याएकाे मेराेभ्यूज अनलाइनकाे आइतबार एक कार्यक्रमबीच शुभारम्भ गर्दै उनले सञ्चारमाध्यमले सत्यतथ्य सूचनामात्र सम्प्रेषण गर्नुपर्ने बताइन् । ‘सही सूचना दिँदा सही दृष्टिकाेण बन्छ, गलत सूचना दिँदा गलत दृष्टिकाेण बन्छ, यहाँहरूले सही सूचना, दृष्टिकाेण र तथ्यका आधारमा समाचार सम्प्रेषण गरेर महत्वपूर्ण भूमिका खेल्नुहुनेछ’, उनले भनिन् ।
मन्त्री भुसालले श्रमजीवि, सर्वाहारा र उत्पीडित वर्गका जनतालाई न्याय, समानता र समाजवादका आधारमा अगाडि जाने विचार निर्माण गर्न सञ्चारमाध्यमले मद्दत गर्ने बताइन् ।
