पोखरा । पोखराको फेवातालस्थित सशस्त्र प्रहरीको एपीएफ रेस्क्यू वाच टावर (APF Rescue Watch Tower) मा विन सेन्सर डिभाइस (Wind Sensor Device) जडान गरिएको छ ।
अब फेवाताल वरपर हावापानीको गतिविधि सूचना तीन घण्टा अगाडि नै प्राप्त हुने हुँदा सराङकोटे हावाहुरीका कारण फेवातालमा हुने सम्भावित दुर्घटनालाई पूर्णरुपमा नियन्त्रणमा लिन सकिने सशस्त्र प्रहरी बल कालिका गण कास्की पोखराका गणपति एसपी अरुणकुमार शर्माले जानकारी दिए ।
उक्त डिभाइस इसीमोड (ICIMOD) सँगको सहकार्यमा मिति २०८१ पुस २६ गते जडान गरिएको भएता पनि पू्णरुपमा संचालनमा आउन अझै दुई हप्ता लाग्ने र यसलाई सशस्त्र प्रहरी तथा नेपालको विपद प्रतिकार्य क्षमता अभिवृद्धिका लागि सूचनाको दृष्टिकोणबाट कोसेढुङ्गा सावित हुनेसमेत गणपति एसपी शर्माले बताए ।
