काठमाडौं । नेपाल कम्युनिष्ट पार्टी (माओवादी केन्द्र)का नेत्री रेखा शर्माले राष्ट्र सेवक कर्मचारीले सार्वजनिक सेवा प्रवाहलाई उच्च प्राथमिकतामा राखेर कार्यसम्पादन गर्नुपर्ने बताइन ।
नेपाल राष्ट्रिय कर्मचारी संगठन, संस्थान राष्ट्रिय समितिको तेस्रो केन्द्रीय अधिवेशनको उद्घाटन गर्दै उनले जनताको मन जित्ने गरी काम गर्न सुझाव दिइन ।
“संगठनमा आबद्ध सम्पूर्ण कर्मचारीले आ-आफ्नो स्थानबाट उत्कृष्ट कार्य सम्पादन गरेर उदाहरण प्रस्तुत गर्न सक्नुपर्छ”, उनले भनिन ।
नेपाल राष्ट्रिय कर्मचारी महासंघका अध्यक्ष मणिरत्न श्रेष्ठले सेवा प्रवाहमा सहजीकरणसँगै कर्मचारीको हकहितलाई पनि संघ/संगठनले उचित महत्व दिँदै आएको बताए ।
संस्थान राष्ट्रिय समितिका अध्यक्ष जयबहादुर शाही, वरिष्ठ उपाध्यक्ष तिलकजंग बुढाथोकीलगायतले राष्ट्र सेवकलाई प्रोत्साहित हुने नीति तथा योजना ल्याउन सरकारलाई सुझाव दिए ।
