कञ्चनपुर । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सहितको अभियान टोलीलाई कञ्चनपुरको पुनर्वास नगरपालिकामा विशेष स्वागत तथा अभिनन्दन गरिएको छ ।
नगरपालिकाको कार्यालयमा आयोजित कार्यक्रममा नगरप्रमुख तोयाप्रसाद शर्माले अध्यक्ष प्रचण्डसहित अभियान टिमलाई स्वागत तथा अभिनन्दन गरेको हो ।
कार्यक्रमका क्रममा नगरप्रमुख शर्माले पुनर्वास नगरपालिकाको समग्र विकासका लागि आवश्यक विषयहरू समेटिएको एक ज्ञापनपत्र पनि अध्यक्ष प्रचण्डलाई हस्तान्तरण गरे ।
अध्यक्ष प्रचण्डले टेक्निकल इन्स्टिच्युट सञ्चालन गर्न, स्थानीय भन्सार समस्याको समाधान गर्न, खेलकूद तथा रंगशाला निर्माण गर्न सहयोग गर्ने प्रतिबद्धता व्यक्त गरे ।
