काठमाडौं । प्रधानमन्त्री पुष्पकमल दाहाल ‘प्रचण्ड’ पार्टी कार्यकर्तासँगको भेटलाई सहज बनाउन पार्टी केन्द्रीय कार्यालय पेरिसडाँडा पुगेका छन् । माओवादीले आजदेखि प्रधानमन्त्री, मन्त्रीलगायतसँग पार्टी केन्द्रीय कार्यालयमा नेता कार्यकर्तालाई भेट गर्ने व्यवस्था मिलाएको छ ।
प्रधानमन्त्री दाहालले प्रत्येक शुक्रबार पार्टी कार्यालयबाट नेता कार्यकर्तासँग भेट गर्ने उनको सचिवालयले जनाएको छ । सोहीअुनसार प्रधानमन्त्री दाहाल बिहान ८ बजे नै पार्टी केन्द्रीय कार्यालय पुगिसकेका हुन् ।
कार्यालय समयमा प्रधानमन्त्री तथा मन्त्रिहरुलाई काममा व्यवधान नआओस् भनेर माओवादीले कार्यालय समयबाहिर पार्टी कार्यालयमा प्रधानमन्त्री तथा मन्त्रीहरुलाई भेटघाटको व्यवस्था मिलाएको हो ।
